Shavkat Zulfiqor - Musofir onasin kutgan qizaloq

Shavkat Zulfiqor - Musofir onasin kutgan qizaloq

Shodligin sog'inchlar yutgan qizaloq
Tun bo'yi bir sura tutgan qizaloq
Enagadan cho'chib ko'zi jovdirab
Musofir onasin kutgan qizaloq

Erkalikdan asar topmagan go'dak
Bolalik bolini totmagan go'dak
Besh yilki bag'rida yotmagan go'dak
Musofir onasin kutganqizaloq

Enagaga aytmas hatto tushini
Yig'lab yashiradi tushgan tishini
Sog'inchlar o'g'irlagan butkul tushini
Musofir onasin kutgan qizaloq

Qumsab bir mehribon zot quchog'ini
Alamidan tishlar bosh barmog'ini
O'ynagisi kelmas qo'g'irchog'ini
Musofir onasin kutgan qizaloq

Ota tashlab ketgan ona uzoqda
Enaga qo'lida qushday tuzoqda
Ona bag'ri jannat ochi do'zzoxda
Musofir onasin kutgan qizaloq

O'zing rahm etgin Qodir Xudojon
Sog'inchdan zor yig'lar necha bolajon
Ko'z o'ngidan ketmas Anvarni hamon
Musofir onasin kutgan qizaloq